Connect with us

RAHOTANNI

CMG Ya Daddale Yarjejeniyar Hadin-Gwiwa Tare Da RT Na Rasha

Published

on


Jiya Talata, a gaban shugabannin kasashen Sin da Rasha wato Xi Jinping da Vladimir Putin, shugaban babban gidan rediyo da talabijin na kasar Sin ko kuma CMG a takaice, Shen Haixiong, da shugaban kamfanin dillancin labarai na RT na kasar Rasha, Dmitry Kiselyov, suka rattaba hannu kan yarjejeniyar hadin-gwiwa bisa manyan tsare-tsare tsakaninsu a birnin Vladivostok dake yankin gabas mai nisa na kasar Rasha.

Bisa yarjejeniyar, bangarorin biyu za su aiwatar da hadin-gwiwa a fannonin da suka shafi musayar labarai, watsa labarai cikin hadin-gwiwa da kuma bayar da rahotanni cikin hadin-gwiwa, da kara hadin-gwiwa wajen bada rahotanni a fannonin al’adu da tattalin arziki gami da wasannin motsa jiki, a wani kokari na karfafa dankon zumunta tsakanin jama’ar Sin da Rasha.

Yarjejeniyar ta ce, CMG da RT za su ci gaba da yin hadin-gwiwa ta fuskar watsa labarai ta sabbin hanyoyin sadarwa, ciki har da manhajar wayar salula, da shafin sada zumunta na Intanet da sauransu.

Tun bayan da aka kafa babban gidan rediyo da talabijin na kasar Sin wato CMG a watan Afrilun bana, ya kaddamar da hadin-gwiwa mai inganci da kafofin watsa labaran kasar Rasha da dama, ciki har da kamfanin dillancin labarai na RT, da babban kamfanin talabijin da rediyo na kasar, da kamfanin buga jaridu na Rasha, da gidan talabijin na RT, da kamfanin dillancin labarai na ITAR-TASS da sauransu. (Mai Fassarawa: Murtala Zhang, ma’aikacin sashen Hausa na CRI)


Advertisement
Click to comment

labarai